Тошкентнинг икки туманида электр узилишлари кузатилди.
Энергетика вазирлиги бунга изоҳ берди. Айтилишича, электр узатиш тармоғида юзага келган носозлик бартараф этилмоқда.
Бугун, соат 18:13 да Тошкент шаҳридаги 110 кВли “L-Dok-1” электр узатиш тармоғида носозлик юзага келган.
Бунинг натижасида Тошкент шаҳрининг Олмазор ва Юнусобод туманлари ҳамда Тошкент вилояти Тошкент туманининг айрим ҳудудларида электр таъминотида қисқа муддатли узилиш кузатилмоқда.
Ҳозирги вақтда ушбу носозликни бартараф этиш ишлари олиб борилмоқда. Носозлик қисқа вақт ичида бартараф этилиб, истеъмолчиларнинг электр таъминоти қайта тикланади, дейилади хабарда.