5 декабрь куни Вашингтондаги «Кеннеди маркази»да АҚШ, Канада ва Мексикада бўлиб ўтадиган ЖЧ-2026 гуруҳ босқичига қуръа ташлаш маросими бўлиб ўтди.
Ўзбекистон миллий терма жамоаси «К» гуруҳидан жой олди ва бу гуруҳда Португалия, Колумбия ҳамда Плей-офф1 ғолиби, яъни Ямайка, Янги Каледония ёки Конго ДР жамоаларидан бирига қарши баҳс олиб боради.
Gazeta фотомухбири Евгений Сорочин таниқли сиёсатчилар, жаҳон футболи юлдузлари, миллий терма жамоалар мураббийлари, иштирокчи давлатлар расмий делегациялари иштирок этган Ўзбекистон учун тарихий маросимдан фоторепортаж тайёрлади.
Ушбу материал Ishonch дўконлар тармоғи ва Uzbekistan Airways авиакомпанияси кўмагида тайёрланди.
2026 йилги футбол бўйича жаҳон чемпионатининг расмий маскотлари: Мэйпл (Канада), Заю (Мексика) ва Клатч (АҚШ).
Маросим италиялик тенор Андреа Бочелли ижросидаги шоу-дастур билан бошланди.
Маросим бошловчилари америкалик актёр Кевин Харт ва германиялик модель Хайди Клум
ФИФА президенти Жанни Инфантино
Ўзбекистон делегацияси, ЎФА вакиллари
Бу йил ФИФА Тинчлик мукофотини таъсис этди ва биринчи мукофот АҚШ президенти Доналд Трампга «бутун дунёда тинчлик ва бирдамликни тарғиб қилгани» учун топширилди. ФИФА президенти Жанни Инфантино медални Оқ Уй раҳбарига топширар экан, «бу чиройли медал, уни хоҳлаган жойда тақиб юришингиз мумкин», деб таъкидлади.
Шундан сўнг Аргентина терма жамоаси бош мураббийи Лионель Скалони саҳнага Жаҳон кубогини олиб чиқди.
Сўнг маросимнинг асосий қисми бошланди. Қуръа бошида АҚШ президенти Дональд Трамп, Мексика президенти Клаудия Шейнбаум ва Канада бош вазири Марк Карни рамзий маънода мезбон мамлакатларни саватчалардан чиқариб, олдиндан белгиланган гуруҳларга ажратишди.
Қуръа ташлаш маросимини ўтказиш учун ФИФА саҳнага Американинг энг машҳур спорт турлари юлдузлари ва афсоналарини таклиф этди. Жамоаларни етти карра Супер боул чемпиони ва НФЛ афсонаси Том Брэди (американча футбол), рекордчи ва тўрт карра Стэнли кубоги соҳиби Уейн Грецки (хоккей), тўрт карра НБА чемпиони Шакил О’Нил (баскетбол) ва бейсбол юлдузи Аарон Джадж гуруҳларга ажратишда кўмаклашишди.
Ўзбекистоннинг «К» гуруҳидаги биринчи саватчадан бўлган рақиби — Португалия
Ўзбекистоннинг «К» гуруҳидаги иккинчи саватчадан бўлган рақиби — Колумбия.
Бейсболчи Аарон Джадж «К» гуруҳидан жой олган Ўзбекистонни саватчадан чиқармоқда
Уейн Грецки Ўзбекистоннинг тўртинчи саватчадан бўлган рақибини чиқармоқда — Конго ДР ва Ямайка/Янги Каледония ўртасидаги плей-офф ғолиби
Якуний гуруҳлар тақсимоти қуйидагича кўринишга эга бўлди:
Фото: ФИФА
Ўзбекистон терма жамоасининг илк ўйинини 17 июнь куни Колумбияга қарши бўлиб ўтади, 23 июнь куни эса терма жамоа Португалияга қарши ўйнайди. Гуруҳдаги охирги учрашув 27 июнь куни бўлиб ўтади.
«Бу Жаҳон чемпионати, ҳар қандай жамоа билан рўбарў келиш мумкин. Бу қуръа, унда ҳамма нарса бўлиши мумкин. Биз Португалия ва Колумбия билан ўйнаймиз. Албатта, ўйинчиларимиз учун ҳам жуда ҳаяжонли бўлади. Асосийси, биз Жаҳон чемпионатидамиз ва биз бу ердалигимиздан хурсандмиз. Умид қиламанки, биз охиригача курашамиз», деди терма жамоа бош мураббийи Фабио Каннаваро қуръадан кейин.