Тошкент метрополитенида 9 декабрдан бошлаб «Ерусти ҳалқа йўли» йўналишидаги барча 14 та бекатида, шунингдек, «Пахтакор» ва «Алишер Навоий» бекатларида кассалар ёпилади. Бу ҳақда метрополитен матбуот хизмати хабар қилди.
Метрополитен ушбу бекатларда нақд пул билан амалга оширилаётган тўлов кўрсаткичлари паст эканини қайд этди.
Ушбу бекатларда кассалар ўрнига янги замонавий ҚР кодли чипталар берувчи аппаратлар — инфокиоскалар ишга туширилган.
Метрополитен инфокиоскалар орқали чипта хариди тезлашиши, навбатлар камайишини таъкидлаган. Шунингдек, ҚР код асосидаги чипталарни мобил телефон ёки чоп этилган квитанция шаклида ишлатиш мумкинлигини эслатган.
Июлда метродаги 13 та бекатнинг биттадан вестибюлида кассалар ёпилгани маълум қилинганди. Шунингдек, йил охиригача касса оператори ва катта оператор лавозимлари тўлиқ тугатилиши айтилганди.
