Букмекерлик хизматларни тарғиб қилувчи 70 га яқин сайт блокланди, дея хабар бермоқда Рақобатни ривожлантириш ва истеъмолчилар ҳуқуқларини ҳимоя қилиш қўмитаси.
2025 ўтган вақтида букмекерлик хизматларини тарғиб қилувчи 86 та веб-сайтни блоклаш бўйича тегишли назорат органига маълумотлар киритилиб, шундан 70 га яқин сайт белгиланган тартибда блокланган.
Қўмита томонидан бу йўналишдаги мониторинг ишлари тизимли давом эттирилмоқда, дейилади хабарда.
Маълумот учун, «Реклама тўғрисида»ги қонунининг 46-моддасига мувофиқ, қимор ўйинлари ва таваккалчиликка асосланган бошқа ўйинлар рекламаси тақиқланади.
Аввалроқ букмекерлик компанияси брендидан фойдаланиб онлайн контент тарқатган икки блогер маъмурий жавобгарликка тортилганди.
2024 йилда букмекерлик хизматларни тарғиб қилувчи 42 та веб-сайтни блоклаш бўйича АОКАга таклифлар киритилган бўлиб, шундан 30 га яқин сайтлар белгиланган тартибда блокланган.
1 январдан бошлаб президент қарори билан Истиқболли лойиҳалар миллий агентлиги лицензияси асосида таваккалчиликка асосланган онлайн ўйинлар ва букмекерлик фаолиятини ташкил этишга рухсат берилганди.
2019 йил декабрь ойида давлат раҳбари 2021 йилдан бошлаб букмекерлик фаолиятини қонунийлаштириш тўғрисидаги фармонни имзолаган. Аммо 2022 йил апрелида президент бошқа фармони билан бу қарорини бекор қилган. 2023 йил апрелида эса букмекерлик фаолиятининг меъёрий-ҳуқуқий базасини ишлаб чиқиш бўйича ишларни қайта бошлаш топширилган.
