Президент Шавкат Мирзиёев 15 декабрь куни Ўзбекистон капитал бозорини янада ривожлантириш чора-тадбирлари тўғрисидаги тақдимотни тинглади, деб хабар берди Президент матбуот хизмати.
Бугунги кунда муомаладаги қимматли қоғозларнинг бозор қиймати 275 триллион сўмни ташкил этиб, биржада эркин муомаладаги қимматли қоғозлар ҳажми 4 триллион сўмга етди, бозорда 717 та эмитент ва 77 та профессионал иштирокчи фаолият юритмоқда.
Шу билан бирга, капитал бозорининг капиталлашув ҳажми ялпи ички маҳсулотга нисбатан 20 фоизни ташкил этади, бу жаҳон кўрсаткичларидан анча паст ва мазкур соҳада ҳали катта салоҳият мавжудлигини кўрсатади.
Шу муносабат билан ички капитал бозорига камида 1 млрд долларлик инвестицияларни жалб қилиш чоралари муҳокама қилинди.
Асосий ташаббуслар қаторига маҳаллий ва хорижий фонд биржаларида халқаро стандартлар асосида қимматли қоғозларни жойлаштириш — «дуал листинг» амалиётига рухсат бериш киради. Шунингдек, валюта облигациялари, глобал депозитар тилхатлар, хорижий қимматли қоғозлар ҳамда биржа инвестиция фондлари каби янги молиявий инструментларни жорий этиш ҳам режалаштирилган.
Истиқболли лойиҳалар миллий агентлиги директорининг биринчи ўринбосари Вячеслав Пак.
режимини кенгайтиришга алоҳида эътибор қаратилмоқда. Унинг шартларини нафақат норезидентларга, балки резидентларга ҳам кенгайтириш ва хорижий инвесторлар учун чексиз муддат белгилаш таклиф қилинмоқда.
Бундан ташқари, фонд биржасининг махсус платформасида хорижий компанияларнинг (Google, Meta, Nvidia ва бошқалар) акциялари, облигациялари ва бошқа қимматли қоғозлари билан савдо қилишга рухсат бериш режалаштирилган.
Бу, таъкидланишича, хорижий молиявий воситалар билан норасмий савдо кўламини камайтиради.
Йиғилишда, шунингдек, маҳаллий инвесторларнинг иштирокини ошириш чоралари муҳокама қилинди. Хусусан, Тошкент фонд биржаси маҳаллий компаниялар ва банкларга хорижий валютада (ҳозирда фақат сўмда) облигациялар чиқаришга рухсат беришни режалаштирмоқда, бу уларга чет бозорларга чиқмасдан хорижий валютани жалб қилиш имконини беради.
Шунингдек, эмитентларга ўз капитали ҳажмидан ортиқ, таъминотсиз облигациялар чиқариш имкониятини яратиш орқали облигациялар бозорини кенгайтириш таклиф қилинмоқда. Яъни компания гаров ёки бошқа активларни кафолат сифатида тақдим этмасдан инвесторлардан маблағ жалб қила олади.
Истиқболли лойиҳалар миллий агентлиги (ИЛМА) директорининг биринчи ўринбосари Вячеслав Пак «Ўзбекистон 24» телеканалига интервьюсида бозор шаффофлигини ошириш, эмитентлар маълумотлари ошкор қилинини таъминлаш ва бундай қоидабузарликлар учун жазоларни кучайтиришга қаратилган бир қатор ўзгартиришлар киритилаётганини эълон қилди.
Капитал бозорини назорат қилиш ва тартибга солиш тизимини такомиллаштириш ҳам кўриб чиқилди. Қонунчиликни Қимматли қоғозлар комиссиялари халқаро ташкилоти (IOSCO) стандартларига мослаштириш, регуляторнинг (ИЛМА) ваколатларини кучайтириш ва профессионал бозор иштирокчилари учун устав капитали талабларини босқичма-босқич ошириш режалари тақдим этилди.
ИЛМАга Иқтисодиёт ва молия вазирлиги билан биргаликда капитал бозорининг имкониятларини жамоатчилик ва тадбиркорларга тушунтириш чораларини кучайтириш топширилди.