Бирлашган кураш дунёси (UWW) жорий йилнинг декабр ойи учун жаҳон рейтингини эълон қилди.
2025 йил якуни акс этган мазкур жадвалда юнон-рум кураши бўйича Ўзбекистон терма жамоасининг 3 нафар аъзоси биринчи ўринда қайд этилди.
Ортда қолаётган йил турли мусобақаларда юқори натижалар билан қимматли очколарни жамғарган Алишер Ғаниев (-60 кг), Айтжан Халмаханов (-63 кг) ва Абдулло Алиев (-72 кг) ўз вазн тоифаларида жаҳон рейтингининг пешқадами сифатида йилни якунлайдиган бўлишди.