Полшалик 38 ёшли аёл дунёга келтирган чақалоқнинг қонида хавфли миқдорда алкогол аниқланди, деб хабар берди TVP World.
Аёл ҳомиладорлигининг 36-ҳафтасида шифохонага келтирилган. Шифокорлар қайд этишича, бемор маст бўлган, унинг қонида анча миқдорда алкогол аниқланган.
Туғуруқ пайтида онанинг аҳволи ҳомиласи учун хавфли бўлгани сабабли шифокорлар кесарча операция ўтказишган. Дунёга келган чақалоқнинг қонида ҳам спирт топилган. Ҳозирда чақалоқнинг аҳволи барқарор.
Она ҳам шифохонада. Боласининг ҳаётини хавф остига қўйган аёл туғуруқдан сўнг у ҳуқуқ-тартибот идоралари эътиборига тушди. Тегишли модда доирасида у беш йилгача озодликдан маҳрум этилиши мумкин, дейилади хабарда.