Ўзбекистонда фаолият юритаётган корхона ва ташкилотлар сони 2025 йилнинг 1 январ ҳолатига 474,9 мингтага етди, деб хабар берди Миллий статистика қўмитаси.
Корхона ва ташкилотларнинг иқтисодий фаолият турлари бўйича сони қуйидагича:
- Савдо соҳасида — 153 370 та
- Саноат соҳасида — 59 520 та
- Қишлоқ, ўрмон ва балиқчилик хўжалиги соҳасида — 34 881 та
- Яшаш ва овқатланиш бўйича хизматлар соҳасида — 30 374 та
- Қурилиш соҳасида — 30 343 та
- Ташиш ва сақлаш соҳасида — 17 245 та
- Соғлиқни сақлаш ва ижтимоий хизматлар кўрсатиш соҳасида — 14 283 та
- Ахборот ва алоқа соҳасида — 11 901 та
- Бошқа соҳаларда — 122 982 та
Статқўм аввалроқ берган хабарга кўра, 474,9 мингта корхона ва ташкилотнинг 403,8 мингтаси ёки 85 фоизи — кичик корхона ва микрофирмалар.
Корхона ва ташкилотлар энг кўп фаолият юритаётган ҳудудлар: Тошкент шаҳри (108 678 та), Тошкент (46 479), Самарқанд (41 091), Фарғона (37 846) ва Қашқадарё (30 424) вилоятлари.