1 февралдан Тошкент метрополитени яна 19 та бекатда чипта кассаларини босқичма-босқич ёпилади. Бу ҳақда метрополитен матбуот хизмати хабар берди.

Йўл ҳақини тўлаш учун инфокиосклар ўрнатилмоқда. У ерда бир марталик QR чипталарни харид қилиш мумкин. Қайд этилишича, қоғоз чипта орқали тўлов 3000 сўмни, электрон тўлов усуллари орқали эса 1700 сўмни ташкил этади.

Қуйидаги бекатларда кассалар фаолияти тўхтатилади:

  • Чилонзор йўли: «Сергели», «Ўзгариш», «Чоштепа», «Миллий боғ», «Мустақиллик», «Амир Темур», «Пушкин»;
  • Ўзбекистон йўли: «Дўстлик», «Машинасозлар», «Тошкент», «Ойбек», «Космонавтлар», «Ўзбекистон», «Ғафур Ғулом», «Чорсу»;
  • Юнусобод йўли: «Туркистон», «Шаҳристон», «Бодомзор».

Эслатиб ўтамиз, метрода йўл ҳақини банк ва транспорт карталари, мобил иловалар орқали, шунингдек, айрим бекатларда юзни таниб олиш (Face ID) ва кафт орқали (Palm Pay) тўлаш ҳам мумкин.

Ўтган йил июль ойида метрополитен нақд пулда чипталар харид қилиниш кўрсаткичи кескин камайгани сабабли 13 та бекатнинг биттадан вестибюлида кассалар ёпилишини маълум қилган эди. Улар орасида «Пушкин», «Дўстлик», «Тошкент», «Ойбек», «Шаҳристон» ва «Бодомзор» бекатлари ҳам бор эди.