Тоғай Мурод тахаллуси билан ижод қилган сурхондарёлик Тоғаймурод Менгноров 1948 йил 3 февралда туғилган. 1966−1972 йилларда Тошкент Давлат университети (ҳозирги Миллий университет) 1985−1987-йилларда эса Москвадаги Адабиёт институтида таҳсил олган. Фаолияти давомида республика радиоси ва «Фан ва турмуш» журналида муҳаррир, «Ўзбекистон физкультурачиси» (ҳозирги «Спорт») газетасида эса таржимон бўлиб ишлаган.
1976 йили «Шарқ юлдузи» журналида «Юлдузлар мангу ёнади» номли илк қиссаси эълон қилинган. 1979−1980 йилларда «От кишнаган оқшом» ва «Ойдинда юрган одамлар», орадан 5 йил ўтиб эса «Момо ер қўшиғи» сингари қиссалари чоп этилган. 1986−1991 йилларда ёзган «Отамдан қолган далалар» романи 1997-йилда шу номли фильмнинг суратга олинишига асос бўлган. 2001 йилда «Бу дунёда ўлиб бўлмайди» номли романи нашр қилинган ижодкор 2003 йил 27 майда вафот этган.
Сана муносабати билан Gazeta Жек Лондон, Эрнест Сетон-Томпсон сингари жаҳон адибларининг асарларини маҳорат билан ўзбек тилига таржима қилган Тоғай Муроднинг асарлари асосида тест тайёрлади.
