Ўзбекистонда «квартплата»ни тўламаганларнинг электрга пул тўлаши чекланади.
Бу ҳақда «Кўп квартирали уйларни бошқариш тизимини янада такомиллаштириш бўйича қўшимча чора-тадбирлар тўғрисида»ги Президент қарорида айтилади.
2026 йилнинг 1 июлидан кўп квартирали уй мулкдори ҳар ойнинг 15-санасига қадар мажбурий тўловларни амалга оширмаса, қарздорлик бартараф этилмагунга қадар электр энергияси учун тўловлар қабул қилинмайди.
Шунингдек, ҳар бир кечиктирилган кун учун жисмоний шахслар учун — 0,1 фоиз, юридик шахслар учун — 0,4 фоиз, бироқ бир ойлик қарзнинг 50 фоизидан ошмайдиган миқдорда пеня ҳисобланади.
Эслатиб ўтамиз, ушбу қарорга кўра, янги уйларга домофон ва камера ўрнатиш ҳам мажбурий бўлади.