Исроил бош вазири Бинямин Нетаняху Оқ уйда АҚШ президенти Доналд Трамп билан учрашди. Уларнинг суҳбати тахминан 3 соат давом этди. Бу ҳақда CNN телеканали эфирида маълум қилинди.
Аниқлик киритилишича, Исроил бош вазири Оқ уйга уни журналистлар кутаётган асосий кириш эшиги орқали кирмаган. Учрашувдан олдин ҳам, кейин ҳам матбуот билан анъанавий мулоқот ташкил этилмаган.
Трамп билан учрашувдан олдин Нетаняху АҚШ давлат котиби Марко Рубио билан учрашди ва Исроилнинг «Тинчлик кенгаши»га кириши бўйича келишувни имзолади.
Учрашув якунида Трамп ўзининг Truth Social ижтимоий тармоғида Исроил бош вазири билан Эрон бўйича якуний қарорга келиша олмагани ҳақида ёзди.