Саудия Арабистонидаги Қўшма Штатлар элчихонасига иккита дрон орқали ҳужум уюштирилди. Бу ҳақда CNN телеканали хабар берди.
Манбалардан бирининг айтишича, ҳозирча жабрланганлар ҳақида маълумот келиб тушмаган. Шунингдек, қироллик расмийлари ҳам АҚШ элчихонасига зарбалар берилгани ҳақидаги маълумотни тасдиқлаган.
АҚШ президенти Доналд Трамп элчихонага қилинган ҳужумга жавоб қайтарилишини маълум қилди. Бу ҳақда NewsNation телеканали журналисти Келли Мейер хабар берган.
“Ҳозиргина президент Трамп билан гаплашдим. У яқин орада АҚШ элчихонасига қилинган ҳужум ва америкалик ҳарбийларнинг ўлдирилишига қандай жавоб бўлишини билиб олишингизни айтди”, — деб ёзган журналист X ижтимоий тармоғида. “У, шунингдек, [Эронга] қўшин киритишни зарур деб ҳисобламаслигини ҳам билдирди”, — дея қўшимча қилган журналист.
Саудия Арабистони мудофаа вазирлигининг маълум қилишича, АҚШ элчихонасига иккита дрон ҳужум қилган, дипломатик ваколатхона ҳудудида ёнғин юз берган.
Fox News телеканали журналисти Женнифер Гриффиннинг маълум қилишича, ҳодиса пайтида бинода одамлар бўлмагани сабабли ҳеч ким жабр кўрмаган.