Нуриддин Исмоилов Эрон элчихонасига бориб, хотира дафтарини имзолади.
Қонунчилик палатаси Спикери Нуриддин Исмоилов Тошкент шаҳридаги Эрон элчихонасига ташриф буюриб, марҳум Оятуллоҳ Хоманаийнинг вафоти муносабати билан очилган хотира дафтарини имзолади. Бу ҳақда Эрон элчихонаси хабар берди.
У хотира дафтарини имзолаб, Ўзбекистон давлати ва халқи номидан чуқур таъзия билдирди.
Эслатиб ўтамиз, 1 март куни Хоманаий ракета ҳужуми оқибатида ҳалок бўлгани тасдиқланди. Шавкат Мирзиёев Эрон президенти Масъуд Пезешкиён номига таъзия йўллади.