Бирлашган Араб Амирликлари (БАА)нинг Жабал Али, Халифа ва Фужайра портлари ҳудудида яшовчи ва вақтинча бўлиб турган одамларга ушбу зоналарни зудлик билан тарк этиш буюрилди, деб хабар берди Эрон давлат телевидениеси.
Теҳроннинг иддао қилишича, мазкур порт иншоотларидан АҚШ ҳарбийлари бошпана ва база сифатида фойдаланмоқда. Шу муносабат билан ушбу объектлар «қонуний нишон» деб эълон қилинди ва яқин соатлар ичида зарбаларга тутилади, дейилади хабарда.
Маълумот учун: Жабал Али (Дубай) дунёдаги энг йирик ва муҳим савдо портларидан бири ҳисобланади. Унга зарба берилиши жаҳон иқтисодиёти ва нефт нархига кескин таъсир қилиши мумкин.