Америка–Ўзбекистон ишбилармонлик ва инвестиция кенгаши расман ўз фаолиятини бошлагани шарафига тантанали кечки овқат уюштирилди.
«Ўзбекистон ва АҚШ ўртасидаги савдо муносабатлари тарихида янги саҳифа очилишида ёнимизда бўлган Оқ уй, Давлат департаменти, Савдо вазирлигидаги ҳамкорларимизга ҳамда Марказий Осиё мамлакатлари элчиларига миннатдорлик билдираман», — деб ёзди Президент Администрациясининг АҚШдаги вакили Комил Алламжонов.
Ўзбекистон ва АҚШ икки томонлама савдо муносабатларини ўзаро манфаатли асосда тартибга солувчи келишувлар устида иш олиб борилмоқда.
Саида Мирзиёеванинг АҚШ савдо вакили, элчи Жеймисон Грир билан ўтказилган учрашувда америкалик инвесторларнинг Ўзбекистонга нисбатан ортиб бораётган қизиқишини муҳокама қилинганди.