2026 йил феврал ойида истеъмолчиларга жами 197,2 млн дона чек учун 143,2 млрд сўмдан ортиқ кешбэк тўлангани маълум қилинди. Бу ҳақда «Фискал таҳлиллар» Телеграм каналида маълум қилинди.
Қайд этилишича, феврал ойида тўланган кешбэкнинг энг катта қисми Тошкент шаҳрига тўғри келиб, 41,9 млрд сўмни ташкил этган.
Ундан кейинги ўринда Фарғона вилояти бўлиб, бу ҳудудда 21 млрд сўм кешбэк қайтарилган.
Шунингдек, Тошкент вилоятида 15,8 млрд сўм, Андижон вилоятида 12,8 млрд сўм, Самарқанд вилоятида эса 9 млрд сўм кешбэк тўланган.