Саудия Арабистони АҚШни Ҳўрмуз бўғози блокадасини тугатишга ва Эрон билан музокараларни қайта бошлашга кўндиришга ҳаракат қилмоқда. Бу ҳақда The Wall Street Journal араб расмийларига асосланиб хабар берди.
Уларнинг сўзларига кўра, Ар-Риёд блокада Яқин Шарқдаги можарони кучайтириши ва бошқа муҳим денгиз йўллари орқали юк ташишга халақит беришидан қўрқади.
WSJ манбаларига кўра, Саудия Арабистони АҚШни Эрон қиролликнинг нефт экспорти учун «жуда муҳим» бўлган Баб ал-Мандеб бўғозини ёпиши мумкинлиги ҳақида огоҳлантирган.
Боб ал-Мандеб бўғози яқинидаги ҳудуд Яманнинг ҳусийлари томонидан назорат қилинади. WSJнинг араб манбаларига кўра, Эрон гуруҳга ушбу денгиз йўлагини ёпиш учун босим ўтказмоқда. Газета манбаларининг таъкидлашича, ҳусийлар бўғоздан ўтаётган кемалар учун тўловларни олишни бошлашлари мумкин.
АҚШнинг денгиз йўлини блокадаси 13 апрелда бошланган. АҚШ Марказий қўмондонлиги чекловлар Эрон портларига кирадиган ёки чиқадиган барча кемаларга тегишли эканлигини аниқлади.
АҚШ президенти Доналд Трамп денгиз блокадаси зонасига яқинлашаётган Эрон кемалари йўқ қилинишини айтди.