Саида Мирзиёева Сергей Кириенко билан учрашув ўтказди.
Бугун мамлакатимизда амалий ташриф билан бўлиб турган Россия Федерацияси Президенти Администрацияси раҳбарининг биринчи ўринбосари Сергей Кириенко билан учрашув бўлиб ўтди.
«Икки давлат раҳбарлари ўртасидаги келишувларнинг амалдаги ижросини муҳокама қилдик. Савдо, иқтисодиёт, энергетика ва IT соҳаларидаги қўшма лойиҳалар эътибор марказида бўлди», дейилади хабарда.
Шунингдек, Президентлар Администрациялари ўртасида таълим, бандлик ва ёшлар сиёсати каби йўналишларда алоқаларни ривожлантириш масалалари ҳам алоҳида кўриб чиқилган.
Аввалроқ президент Шавкат Мирзиёев Сергей Кириенко бошчилигидаги делегацияни қабул қилганди.