Фаррух Зокиров 1946 йил 16 апрелда, Тошкент шаҳрида таваллуд топган. 1969 йили Тошкент давлат консерваториясини битиргач, Тошкент театр ва рассомлик институти қошида ташкил топган вокал чолғу ансамблининг аъзосига айланган.
Кейинчалик «Ялла» номини олган ушбу вокал-чолғу ансамблига 1975 йилда «Ўзбекистонда хизмат кўрсатган ансамбль» унвони берилган. 1976 йили Фаррух Зокиров «Ялла»га бадиий раҳбар бўлган. 1980 йилларда «Учқудуқ» ва «Севганимнинг юзи» («Лицо возлюбленной моей»), «Мусиқий чойхона» («Музыкальная чайхана») альбомларини тақдим қилган ансамбль 55 йиллик фаолияти давомида 400 дан ортиқ қўшиқ куйлаган.
Ансамбль халқ ижодига бир неча бор мурожаат қилиб «Юмалаб-юмалаб», «Қилпиллама», «Ғайра-ғайра» ва «Бойчечак» каби ашулаларни ижро қилган. Шарқона услубни фолк-рок ва поп билан ўзига хос равишда умумлаштирган «Ялла»нинг репертуаридаги «Учқудуқ», «Шаҳрисабз», «Мажнунтол» ҳамда «Тошкентим онам» сингари қўшиқларни Фаррух Зокировнинг ўзи басталаган.
Сана муносабати билан Gazeta куни кеча «Буюк хизматлари учун» ордени билан мукофотланган Фаррух Зокиров ва «Ялла» ансамблининг қўшиқлари асосида тест тайёрлади.
