Ўзбекистон делегацияси Истанбулда бўлиб ўтган Туркий давлатлар парламентлари раҳбарларининг биринчи норасмий учрашувида иштирок этди, деб хабар берди Сенат матбуот хизмати.
Тадбирда Сенат раиси Танзила Нарбаева бошчилигидаги Ўзбекистон Олий Мажлиси делегацияси қатнашди.
Учрашувда Туркий давлатлар ташкилоти доирасида давлат раҳбарлари ўртасида шаклланган самарали ҳамкорлик натижасида иқтисодий ривожланиш, минтақавий хавфсизликни мустаҳкамлаш, иқлим ўзгаришига қарши курашиш ҳамда маданий алоқаларни кенгайтиришга қаратилган қатор ташаббуслар амалга оширилаётгани таъкидланди.