2026 йилги Ҳаж мавсумининг илк зиёратчилари Мадинага жўнаб кетди (фото)

Май 5, 2026 #жўнаб, #зиёратчилари, #илк, #йилги, #кетди, #мавсумининг, #Мадинага, #фото, #ҳаж

Фото: Мусулмонлар идораси

Ўзбекистонда жорий Ҳаж мавсумининг илк зиёратчилари Мадинага кузатилди. Дастур доирасида Ўзбекистоннинг 9 та шаҳридан жами 70 та авиарейс амалга оширилиши ва улар орқали 15 130 нафар зиёратчи жўнаб кетиши режалаштирилган.

Тошкентда 2026-йилги Ҳаж мавсуми зиёратчиларини кузатиш дастури бошланди, дея хабар қилди Uzbekistan Airports.

Хусусан, 2 май куни маҳаллий вақт билан соат 15:10 да Тошкентдан Мадина шаҳрига зиёратчилар билан илк рейс парвоз қилиб, Ҳаж-2026 мавсумини очиб берди.

Дастур доирасида Ўзбекистоннинг 9 та шаҳридан жами 70 та авиарейс амалга оширилиши ва улар орқали 15 130 нафар зиёратчи жўнаб кетиши режалаштирилган. Энг кўп зиёратчи Тошкент шаҳридан кузатилади — 23 та рейс ва 5392 нафар йўловчи.

Шунингдек, мамлакатнинг ҳудудий аэропортларида ҳам қуйидаги тўғридан-тўғри авиапарвозлар ташкил этилади:

Намангандан 7 та рейс (1890 зиёратчи);
Андижондан 10 та рейс (1725 зиёратчи);
Фарғонадан 10 та рейс (1710 зиёратчи);
Бухородан 3 та рейс (1078 зиёратчи);
Самарқанддан 3 та рейс (900 зиёратчи);
Термиздан 5 та рейс (882 зиёратчи);
Қаршидан 5 та рейс (833 зиёратчи);
Урганчдан 4 та рейс (720 зиёратчи).

Барча парвозлар Мадина йўналиши бўйича амалга оширилади. Зиёратчилар аэропортларга уюшган ҳолда келиб, барча зарурий рўйхатдан ўтиш ва божхона кўриги жараёнларидан ўтадилар, сўнгра учиш ҳудудига йўл олади.