Президент қарори билан Ориф Алибоевич Бўтаев Ўзбекистон Республикаси қишлоқ хўжалиги вазири ўринбосари – Чорвачилик ва яйлов хўжалигини ривожлантириш агентлиги директори лавозимига тайинланди.
Бунгача у «Микрокредитбанк» акциядорлик-тижорат банки бошқарув раиси эди.Бу лавозимга 2020 йил тайинланганди.
Ориф Бўтаев 1983 йил Сурхондарё вилоятида туғилган. 2006 йилда Тошкент Давлат иқтисодиёт университетининг бакалавриат босқичини – «Банк иши», 2012 йилда Банк-молия академиясининг магистратура бўлимини – «Инвестицияларни бошқариш» мутахассислиги бўйича тамомлаган. Шунингдек, «Ўзсаноатқурилишбанк» АТБ бошқаруви раисининг биринчи ўринбосари лавозимида ишлаган.