Япониянинг «Онагава» атом электр станциясида таркибида радиоактив заррачалар бўлган буғ сизиб чиқиши кузатилди. Бу ҳақда Tohoku Electric Power компанияси баёнот берди.
Станция ходимлари конденсат йиғишга мўлжалланган резервуардан хавфли буғ чиқаётганини аниқлаган. Ҳодиса юз берган вақтда АЭСнинг иккинчи энергоблоки синов тариқасида ишлатилаётган ва тижорий фаолиятини қайта тиклашга тайёрланаётган эди.
Резервуардаги носозлик сабабли иккинчи энергоблокни режадан ташқари техник кўрикдан ўтказиш учун зудлик билан тўхтатишга тўғри келди.
Компаниянинг билдиришича, радиоактив моддалар станция ҳудудидан ташқарига тарқалмаган, атроф-муҳитга зарар етмаган.