Ҳалима Худойбердиева 1947 йил 17 майда Сирдарё вилоятининг Боёвут туманида дунёга келган. 1972 йилда Тошкент давлат университетининг журналистика факультетини тамомлаган ижодкор 1975−1977 йилларда Москвадаги олий адабиёт курсларида ўқиган. Меҳнат фаолиятини «Саодат» журналидан бошлаб, 1978−1982 йилларда «Ёшлар», 1996−1998 йиллари эса «Ёзувчи» нашриётида ишлаган. 1998−2003 йилларда «Санам» журналида, 2004 йилдан бошлаб «ХХI аср» газетасида фаолият юритган. Ўзбекистон Хотин-қизлар қўмитасига раислик ҳам қилган.
Дастлабки шеърлари 7-синфлигида, туман газетасида босилиб чиққан шоиранинг «Илк муҳаббат» номли шеърий тўплами 1967 йилда чоп этилган. 1973−1979 йилларда «Оқ олмалар», «Суянч тоғларим», «Бобо қуёш», шунингдек, «Иссиқ қор» номли китоблари тақдим қилинган. 1983−1996 йилларда эса «Садоқат», «Муқаддас аёл», «Юрагимнинг оғриқ нуқталари» ҳамда «Бу кунларга етганлар бор» номли шеърий тўпламлари нашр қилинган. «Сайланма» ва «Йўлдадирман» китоблари бўлса 2000−2005 йилларда чоп этилган.
Шоира 2018 йил 17 августда вафот этган.
Сана муносабати билан Gazeta Ҳалима Худойбердиеванинг асарлари асосида тест тайёрлади.
