Шавкат Мирзиёев Филиппиннинг Минданао ороли жанубий соҳилларида юз берган кучли зилзила оқибатида кўплаб одамлар ҳалок бўлгани ва жароҳат олгани муносабати билан президент Фердинанд Маркосга таъзия йўллади.
Ўзбекистон президенти матбуот котиби Шерзод Асадовнинг хабар беришича, давлат раҳбари қурбонларнинг оила аъзолари ва яқинларига ҳамдардлик билдирди, жабрланганлар тез орада шифо топишини тилади.
8 июнь, душанба куни, маҳаллий вақт билан соат 07:37 да Филиппинда содир бўлган 7,8 магнитудали зилзила оқибатида ҳозиргача камида 35 киши ҳалок бўлгани маълум.
Бу ҳодиса Филиппин, Индонезия, Япония ҳамда Австралияда цунами хавфини келтириб чиқарди. Огоҳлантиришлар бир неча соат давом этгач бекор қилинди ёки хавф даражаси пасайтирилди.
Видео ва суратларда биноларнинг қулагани, жумладан, Jollibee фастуд ресторанининг вайронага айланган тасвирларини кўриш мумкин, шунингдек, баъзи ҳудудларда кўчкилар қайд этилган.
Душанба куни тушдан кейин берилган маълумотда мамлакат Фуқаролик мудофааси бошқармаси ҳалок бўлганларнинг 31 нафари Сокксксархенда, қолган тўрт нафари эса Даваода қайд этилганини маълум қилган.
Филиппин расмийларининг билдиришича, камида 134 киши жароҳатланган ва 10 000 га яқин оила уй-жойини тарк этишга мажбур бўлган. 12 киши бедарак йўқолган.
