Expo 2025 Osaka кўргазмасидаги Ўзбекистоннинг «Билимлар боғи: келажакдаги жамият учун лаборатория» павильони 17 та халқаро профессионал мукофотга сазовор бўлди, дея хабар бермоқда Маданият ва санъатни ривожлантириш жамғармаси. Павильон архитектура, дизайн, кўргазма ечимлари ҳамда барқарор технологияларни баҳоловчи бир қатор етакчи жаҳон премиумлари томонидан эътироф этилди.
Июнь ойи бошида Ўзбекистон павильони Cultural & Expo Centers номинациясида Architizer A+ Awards ғолиби деб эълон қилинди. Ушбу мукофот жаҳон архитектураси оламидаги нуфузли танловлардан бири ҳисобланиб, унда ҳар бир номинация бўйича профессионал ҳакамлар ҳайъати томонидан фақат биттадан ғолиб аниқланади.
Бир неча кун ўтгач, Гамбургда (Германия) бўлиб ўтган ADC Awards тақдирлаш маросимида лойиҳа яна иккита олтин мукофотни қўлга киритди. Бу мукофотлар Exhibition — Museum & Pavilion Design ҳамда Architecture, Public & Urban Design — Architectural Installations номинацияларида қўлга киритилди. Ушбу мукофот дизайн ва креатив индустрия соҳасидаги қадимий халқаро танловлардан бири саналади.
Лойиҳа фаолияти давомида қуйидаги халқаро мукофотлар билан тақдирланди:
- German Design Award 2025 — Gold, Excellence in Architecture: Fairs and Exhibitions
- IDA Design Awards 2024 — Honorable Mention, Other Architectural Concepts: Conceptual Architectural Designs
- Fassa Bortolo Sustainable Architecture Prize — Honourable Mention, Sustainability
- Red Dot Award 2025 — Best of the Best, Fair Stands
- BIE Awards 2025 (Bureau International des Expositions) — Gold, Theme Development (Self-built Pavilions Type A, smaller than 1,500 sqm)
- Exhibitor Magazine’s Expo Awards 2025 — Editors’ Choice Award
- Exhibitor Magazine’s Expo Awards 2025 — Winner, Best Activity / Interactive
- Exhibitor Magazine’s Expo Awards 2025 — Honourable Mention, Best Interpretation of Expo Theme
- DDC Award 2025 — Auszeichnung, Architektur / Raum
- FRAME Awards 2025 — Honourable Mention, Cultural Space
- CommAwards 2025 — Gold, Space Exhibition
- iF Design Award 2026 — Winner, Architecture / Hospitality Architecture
- ADF (Aoyama Design Forum) Award 2026 — Excellence Prize, Hospitality
- blooloop Innovation Awards 2026 — 2nd Place, Exhibit — Culture
- Architizer A+ Awards 2026 — Jury Winner, Cultural & Expo Centers
- ADC Awards 2026 — Gold, Architecture, Public & Urban Design: Architectural Installations
- ADC Awards 2026 — Gold, Exhibition: Museum & Pavilion Design
Эслатиб ўтамиз, Ўзбекистоннинг Osaka Expo 2025 кўргазмасидаги «Билимлар боғи: келажакдаги жамият учун лаборатория» номини олган павильони лойиҳаси Atelier Brückner архитектура бюроси томонидан ишлаб чиқилган. Gazeta мухбири Шуҳрат Латипов ушбу мажмуанинг аҳамиятли жиҳатлари ҳақида аввалроқ айтиб берган эди.
Osaka Expo 2025 очилган вақтдан буён Ўзбекистон павильонига 1 миллиондан ортиқ киши ташриф буюрди.
