«Буюк хизматлари учун» ордени соҳиби — Эркин Комилов 1946 йил 20 июлда Андижон вилоятининг Хўжаобод туманида туғилган. 1966 йилда Ҳамза театрида фаолиятини бошлаган актёр 1968 йили Тошкент театр ва рассомлик санъати институтини тугатган.
У «Олтин девор», «Беруний», «Уйланиш», «Ҳар тўкисда бир айб», шунингдек, «Қатағон», «Уфқ» ва «Қирол Лир» каби бир қанча спектаклларда қатнашган.
1978 йили «Тўйлар муборак»да эпизодик роль ижро қилган Эркин Комилов 1992 йилда «Юзсиз», 1994 йилда «Тилла бола», 1997 йили «Ўткан кунлар», 1982 йили эса «Суюнчи» ҳамда «Гирдоб»да суратга тушган.
Бундан ташқари, у «Диёнат», «Отамдан қолган далалар», «Севги», «Буюк Амир Темур», «Улфатлар» ҳамда «Шайтанат» сингари кўплаб кино-сериаллар, жумладан, «Оталар сўзи — ақлнинг кўзи» кўрсатувида ҳам иштирок этган.
Сана муносабати билан Gazeta «Меҳнат шуҳрати», «Фидокарона хизматлари учун» орденлари соҳибининг фильмлари асосида тест тайёрлади.