Ямандаги ҳусийлар Саудия Арабистонига қарши денгиз блокадаси эълон қилди. Бу ҳақда Al-Masirah телеканали ҳусийлар ҳаракатининг ҳарбий вакили Яҳё Сарияга асосланиб хабар берди.
Сариянинг сўзларига кўра, блокада «қамалдан кейин қамал» формуласи ёрдамида амалга оширилмоқда. Ҳаракат Ар-Риёднинг ҳаракатларига жавобан «кенг қамровли эскалация» ҳуқуқини ўзида сақлаб қолади. «Яман қуролли кучлари барча сценарийларга тўлиқ тайёрлигини тасдиқлайди ва ҳар қандай эҳтиётсиз ҳаракат кенг қамровли ва қаттиқ эскалацияга сабаб бўлишини эълон қилади», дейилади баёнотда.
Ҳусийлар ва Саудия Арабистони ўртасидаги муносабатлар 13 июль куни ҳусийлар назоратидаги Яман пойтахти Сано аэропортига қилинган ҳужумдан кейин ёмонлашди. Саудия Арабистони томонидан қўллаб-қувватланадиган Яманнинг халқаро миқёсда тан олинган ҳукумати кучлари юқори лавозимли ҳусий жангариларини олиб кетаётган Эрон самолётининг қўнишига йўл қўймаслик учун учиш-қўниш йўлагига бостириб киришди. Кейинчалик ҳусийлар Саудия Арабистонининг жануби-ғарбий қисмидаги тинч аҳоли пункти Абҳа аэропортига жавою ҳужуми уюштирилгани ҳақида хабар берди.
16 июль куни ҳусийлар етакчиси Абдул Малик ал-Ҳутий Саудия Арабистонини ўз манфаатларини илгари суриш учун АҚШ, Исроил ва Буюк Британия билан ҳамкорлик қилишда айблади.