Тошкент метрополитени 2 сентябрдан ўқув йили бошланиши муносабати билан йўловчилар оқимининг кескин ортишига тайёргарлик кўрганини маълум қилди.
Тиғиз вақтларда поездлар ҳаракати интерваллари қуйидагича қисқартирилади:
- «Чилонзор» йўналишида — 1,5−2 дақиқагача;
- «Ўзбекистон» йўналишида — 3−3,5 дақиқагача;
- «Юнусобод» йўналишида — 4−4,5 дақиқагача;
- «Ерусти ҳалқа йўли» йўналишида — 7−8 дақиқагача.
Метрополитен матбуот хизматининг билдиришича, жорий йилда харид қилиниши режалаштирилган 14 та янги поезддан 11 таси аллақачон йўналишларда ҳаракатланмоқда, яна 3 таси яқин кунларда ишга туширилиши кутилмоқда.
Эслатиб ўтамиз, Ўзбекистон мактабларида янги ўқув йили 2 сентябрдан, академик лицейлар, техникумлар ва давлат ОТМларининг 1-босқич талабалари учун 7 сентябрдан, юқори босқич талабалари учун эса 14 сентябрдан бошланади.
Йўллардаги транспорт тирбандлигини камайтириш мақсадида жорий йилдан пойтахтдаги ОТМларда ертaлабки дарслaр соат 8:00 дан бошланиши белгиланди. Шунингдек, шаҳар ҳокимлиги шаҳар ва туман ҳокимликлари, бошқарма ҳамда уларга қарашли бўлинмалар иш графигини соат 8:00 дан 17:00 гача ўтказишни режалаштирмоқда.
