Фото: Амир Атаджанов / Gazeta
Ўзбекистон Ҳарбий-ҳаво кучларининг Су-25 штурмчи самолётлари Мустақилликнинг 35 йиллиги байрамида Янги Тошкент бўйлаб учиб ўтди ва осмонни давлат байроғи рангларига буркaди.
Фото: Gazeta
Тошкентнинг Мирзо Улуғбек тумани ҳокимлиги кўп қаватли уйнинг ён томонидаги Николай Жарский қаламига мансуб мозаикалардан бирини «тўлдириб чизиб қўйиш»га рухсат берди. Gazeta`нинг давлат органларига сўровлари ва аҳолининг эътирозларидан сўнг ишлар тўхтатилди, бироқ деворнинг бир қисми бўяб бўлинган эди.
Фото: Орифжон Ҳошимов / Gazeta
Яккасарой туманидаги Юнус Ражабий маҳалласида аҳоли тўрт йил давомида судларда қурилишдан ҳимоя қилиб келган футбол майдони янгиланди. Ҳомийлар маблағлари ҳисобидан бу ерга янги қоплама ётқизилди, девор ва ўриндиқлар ўрнатилди.
Фото: Зилола Тоирова / Gazeta
Тошкент вилоятининг Зангиота туманидаги савдо мажмуасида йирик ёнғин юз берди. Бу ерда мебель, спорт товарлари, мобил қурилмалар учун аксессуарлар, совғалар ва болалар товарлари сотиладиган 10 дан ортиқ дўкон фаолият юритаётган эди.
Чиноз тумани ҳокимлигидан олинган видеодан кадр
Ижтимоий тармоқларда ҳокимларнинг аҳоли билан ишлаш усуллари фаол муҳокама қилинди. Шаҳрисабз тумани ҳокими маҳаллани айланиш чоғида фуқаронинг хонадонига рухсатсиз кириб, тозаланмаган ҳовли учун жарима солишни буюрди. Чиноз тумани ҳокими эса аҳолини озодаликка ундаш мақсадида қаровсиз хонадонларга «шармандали маҳалла» плакатини осиб қўйишни топширди.
Фото: Орифжон Ҳошимов / Gazeta.
Андижонда аэропортнинг янги йўловчи терминали қурилиши давом этмоқда. Унинг майдони эскисидан саккиз баравар катта, ўтказувчанлик қобилияти эса беш баравар юқори бўлади. Очилиш 2027 йилнинг баҳорига режалаштирилган.
Фото: Миролим Исажонов / Gazeta
Оқсарой қароргоҳи атрофидаги ҳудудни очиқ жамоат паркига айлантириш бошланди. Чегаралар бўйлаб қарийб 2 км узунликдаги тўсиқлар олиб ташланди, улар ортида узоқ йиллар давомида шаҳарликларнинг аксарияти учун ёпиқ бўлган яшил ҳудуд жойлашган эди.
Фото: Ижтимоий тармоқлар
«Мовий гумбазлар» хиёбонида ўсаётган, ёши 350 дан ортиқ бўлган оқ тутга давлат табиат ёдгорлиги мақоми берилди.
Фото: Орифжон Ҳошимов / Gazeta.
Кино, видеоўйинлар, комикслар, аниме ва косплей мухлислари Comic Con Tashkent 2026 фестивалида жам бўлди. Махсус меҳмонлар орасида «Жуда нарсалар» (Stranger Things) ва «Тахтлар ўйини» (Game of Thrones) сериаллари актёрлари ҳам бор.
Фото: Benedict Tufnell / World Rowing
Шаҳзод Нурматов ва Собир Сафаралиев академик эшкак эшиш бўйича енгил вазнли спортчилар ўртасидаги жуфтлик (LM2x) беллашувларида жаҳон чемпиони бўлди. Амстердамдаги финалда улар 6:21,93 натижа кўрсатиб, Германия ва АҚШ вакилларини ортда қолдирди.