Тошкент вилоятининг Оҳангарон туманида автобус ва енгил автомобил иштирокида йўл-транспорт ҳодисаси содир бўлди. Ҳодиса бугун соат тахминан 18:30 ларда А373 «Тошкент–Ўш» автомобил йўлининг 75-километрида юз берган.
Маълум қилинишича, 1964 йилда туғилган ҳайдовчи «Isuzu» русумли автобусни йўлнинг қайрилиб олиш мумкин бўлган жойида буриб олаётган вақтда қарама-қарши йўналишда ҳаракатланаётган, 1997 йилда туғилган ҳайдовчи бошқарувидаги «Lacetti» билан тўқнашган.
ЙТҲ оқибатида жароҳат олган «Lacetti» ҳайдовчиси ва автобусда бўлган икки нафар йўловчи биринчи тиббий ёрдам кўрсатиш учун шифохонага олиб кетилган.
Ҳолат юзасидан Оҳангарон тумани ИИБ томонидан суриштирув ишлари олиб борилмоқда.