Kиaну Ривз 1964 йил 2 сентябрда, Ливаннинг Байрут шаҳрида туғилган. У актёрлик фаолиятини театрдан бошлаб, 15 ёшида «Ромео ва Жульетта» спектаклида роль ижро қилган. Кейин реклама роликларида суратга тушиб, бир муддат мухбир бўлиб ҳам ишлаган. 1986 йили илк бор «Youngblood» номли тўлиқ метражли фильмда ва яна «Дарё ёқасида» («Riverʼs Edge») дея номланган кинода иштирок этган.
1989−1991 йилларда «Билль ва Теднинг ажойиб саргузаштлари» («Bill and Tedʼs Excellent Adventure») ҳамда унинг сиквели бўлган «Билль ва Теднинг янги саргузаштлари» («Bill and Tedʼs Bogus Journey») да ўйнаган.
1991−1999 йиллари эса «Тўлқинлар бағрида» («Point Break»), «Менинг шахсий Айдаҳо штатим» («My Own Private Idaho»), «Дракула», «Тезлик» («Speed») ва «Матрица» («The Matrix»)да суратга тушган.
2003 йилда «Матрица»нинг иккинчи ва учинчи қисмлари — «Қайта юкланиш» ва «Инқилоб» экран юзини кўрган. 2006 йилда бўлса «Кўл бўйидаги уй» («The Lake House»)нинг премьераси бўлган. Актёр иштирок этган «47 Самурай» («47 Ronin»), «Кўча қироллари» («Street Kings»), «Профессионал» («Siberia») сингари фильмлар ҳам муваффақиятга эришган.
2020−2023 йилларда у «Матрица-4: Қайта тирилиш» ва «Жон Уик» франшизасининг тўртинчи фильмида кўриниш берган.
Сана муносабати билан Gazeta Kиaну Ривзнинг фильмлари асосида тест тайёрлади.