Оқ уй ўз сайтида АҚШ президенти Дональд Трамп сиёсати ва у билан боғлиқ воқеаларга бағишланган бешта видеоўйинни йўлга қўйди, дея хабар бермоқда CNN. Ўйинлар асоси классик аркада ўйинларидан олинган.
Flappy Bird мобил ўйинига ишора қилувчи биринчи — Flappy Bill ўйинида ўйинчига панжаларида янги қонун лойиҳасини ушлаб турган оқ бошли бургутни бошқариш таклиф этилади.
«Тетрис» мотивлари асосида яратилган Build the Wall ўйинида эса фойдаланувчи «чегарани яқинлашиб келаётган оломондан ҳимоя қилиш» учун тушаётган деталлардан девор қуриши керак.
Учинчи ўйин — «Илонча»ни такрорлайдиган Rio Run ҳам миграция сиёсатига бағишланган. Ўйинчи Техасдаги Рио-Гранде дарёси бўйлаб «чизиқни қўриқлаши» ва депортациялар учун очко тўплаган ҳолда «ҳудуддаги барча чегара бузувчиларни» йиғиб олиши лозим.
«Патурль қилувчи» иконкаси кўк галстукли ёши катта оқ танли эркак кўринишида, «бузувчилар» эса турли тан рангига эга одамлар сифатида тасвирланган. «Бузувчи» ушланганидан кейин унда тўқ сариқ комбинезон пайдо бўлади — бу АҚШдаги баъзи сақлаш марказларида қўлга олинган ноқонуний мигрантларга бериладиган кийимга ишорадир.
«>https://x.com/WhiteHouse/status/2095615734567100766?s=20[/twitter_post]
Supply Line ўйинида ўйинчи мактаб тушлигига тушиб қолмаслиги учун конвейердан бўёқлар ва озиқ-овқат қўшимчалари бўлган маҳсулотларни олиб ташлаши керак. Ўйиннинг шиори — «Американи яна соғлом қилайлик».
Сўнгги — Trump Savings Tycoon ўйинида эса «болаларнинг «Трамп ҳисоблари»ни тўлдириш» учун Вашингтондаги Акс эттирувчи ҳовузга учиб тушаётган пул маблағлари ва олмосларни тўр билан ушлаб олиш лозим. Гап Трампнинг ташаббуси ҳақида бормоқда, унга кўра АҚШ Молия вазирлиги 2025 йилдан 2028 йилгача туғилган барча болаларнинг жамғариб бориладиган инвестиция ҳисобларига 1000 доллардан ўтказиб беради.
Акс этирувчи ҳовуз ҳам тасодифан танланмаган: 2026 йилда Трамп уни реконструкция қилиш ташаббусини илгари сурган ва кейинчалик вандалларни сув ҳавзасининг янгиланган қопламасига зарар етказганликда бир неча бор айблаган эди.
