7 сентябрь куни Фарғона вилояти Қўштепа туманидаги марказий шифохонада икки нафар ҳамшира пичоқланди. Бу ҳақда Gazeta’га Бош рокуратура матбуот хизмати хабар қилди.
Оқибатда улардан бири воқеа жойида вафот этган, иккинчи жабрланувчига тез тиббий ёрдам кўрсатилиб, ҳаёти сақлаб қолинган.
Kun.uz хабарига кўра, пичоқлаган шахс аёл киши бўлган. У ҳамшираларни хонага қамаб олган ҳолда пичоқлаган. Аёл нега бундай қилгани ва ишнинг бошқа тафсилотлари ҳозирча маълум эмас.
Ҳолат юзасидан Жиноят кодексининг 97-моддаси (Қасддан одам ўлдириш) билан жиноят иши қўзғатилиб, гумонланувчи аёл процессуал тартибда ушланган. Тергов ҳаракатлари бошланган.
