2026 йил 15 сентябрдан Ўзбекистонда расмий валюта курсини шакллантириш тартиби ўзгаради.
Марказий банк энди расмий курсни фақат валюта биржасидаги битимлар асосида эмас, балки банклар ўртасида биржадан ташқари бозорда амалга оширилган операцияларни ҳам ҳисобга олган ҳолда белгилашини маълум қилди.
Яъни, расмий курс биржа ва биржадан ташқари бозордаги битимларнинг ўртача тортилган курси асосида шаклланади.
Бу ўзгариш расмий валюта курсининг ички бозордаги ҳақиқий вазиятни янада аниқроқ акс эттиришига хизмат қилиши таъкидланмоқда.
Шунингдек, шанба ва якшанба кунлари учун алоҳида янги курс эълон қилинмайди. Дам олиш кунларида охирги иш кунида белгиланган расмий курс амал қилади.