Беҳзоджон Каримов Давлат кадастрлари палатаси раиси вазифасини вақтинчалик бажарувчи этиб тайинланди.
Давлат кадастрлари палатасида ташкилий йиғилиш бўлиб ўтди. Унда Кадастр агентлиги директори Турдиев Садриддин Абдуллаевич иштирок этди.
Йиғилишда ташкилий масала кўриб чиқилди. Давлат кадастрлари палатаси раиси Валиев Моҳир Камоловичнинг бошқа ишга ўтиши муносабати билан Давлат кадастрлари палатаси раиси вазифасини вақтинчалик бажарувчи этиб Каримов Беҳзоджон Илҳомович тайинлангани маълум қилинди.
Тадбир давомида сўзга чиққанлар Мохир Валиевнинг келгуси фаолиятига улкан муваффақиятлар тиладилар.