Японияда ўтаётган Осиё ўйинларида ўзбекистонлик боксчи Тўрабек Хабибуллаев олтин медални қўлга киритди.
У -90 кг вазн тоифасининг финал жангида хитойлик Хан Сюэчженга қарши рингга кўтарилди ва ҳакамлар баҳолашига кўра, 5:0 ҳисобида ғалаба қозонди.
«Энг биринчи ўринда юртимиз байроғи тепага кўтарилди ва президентимиз ишончини оқладик. Бунинг учун хурсандман. Ўтган сафар бронза медаль бўлганди. Дадамга ваъда бергандим, „Дадажон, Худо хоҳласа, кейингиси олтин медаль бўлади“, деб. Берган ваъдамни бажардим, олтин медалга эришдим», — дейди жангдан кейин Хабибуллаев.
Шу тариқа, Ўзбекистон ҳисобидаги олтин медаллар сони 17 тага етди.
