2026 йил январ–июл ойларида Ўзбекистонга 3,5 минг тонна кофе олиб кирилган. Бу ҳақда Миллий статистика қўмитаси маълум қилди.
Қайд этилишича, импорт қилинган маҳсулотларнинг умумий қиймати 28,2 млн АҚШ долларини ташкил этган. Бу 2025 йилнинг мос даврига нисбатан 468,2 тоннага ёки 15,6 фоизга кўп.
Кофе етказиб берувчи давлатлар орасида Россия сезиларли устунлик қилган. Ҳисобот даврида Россиядан 2 315,3 тонна кофе импорт қилинган.
Ҳиндистондан Ўзбекистонга 260,2 тонна кофе етказиб берилган. Италиядан импорт ҳажми 230,6 тоннани ташкил этган.
Бразилия 130,3 тонна билан кейинги ўринда қайд этилган. Малайзиядан эса 96,9 тонна кофе олиб кирилган.
Қолган давлатлар ҳисобига 435,1 тонна кофе тўғри келган.