30 сентябрь куни Адлия вазирлиги Ўзбекистон Республикаси Марказий банки бошқарувининг айрим идоравий норматив-ҳуқуқий ҳужжатларга қўшимчалар киритиш ҳақидаги қарорини давлат рўйхатидан ўтказди [рўйхат рақами 3948].

Хусусан, мазкур ҳужжатга кўра банклар кредит рекламасида кредит бўйича мажбуриятларни бажармаслик истеъмолчи учун молиявий хатарларга олиб келиши мумкинлиги ҳақида огоҳлантириш жойлаштириши шарт. Бунда огоҳлантириш босма ва электрон рекламада реклама майдонининг, аудио ва видеорекламада эса реклама давомийлигининг камида 10 фоизини эгаллаши лозим.

Кредит шартномасининг биринчи саҳифасига, шартнома матни бошланишидан олдин, саҳифа асосий юзасининг камида 30 фоизини эгаллайдиган огоҳлантириш ахбороти жойлаштирилади.

Огоҳлантириш ахборотига намунаОгоҳлантириш ахборотига намуна

Истеъмолчини чалғитувчи деб топилган кредит маҳсулоти истеъмолчига таклиф этилган тақдирда, Марказий банк томонидан банкнинг айрим молиявий операцияларни амалга оширишини ёки инфратузилмасини кенгайтиришини олти ойгача чеклаш ва (ёки) тақиқлаш чораси қўлланилиши мумкин.

Қарор расмий эълон қилинган кундан эътиборан бир ойдан кейин кучга киради.