Исмат Хушев
Энди сиёсатдан чекиниб бир оз,
Гўзаллик ҳақида сурсак хаёллар.
Дилларда жўш урса оташ, эҳтирос
Мавзуимиз бўлса соҳибжамоллар…
Абдулла Орипов
Сен Пушкиннинг севган малаги,
Сен Гёте орзу этган қиз.
Сен Байроннинг ўтли юраги,
Сен Гейнени ёндирган юлдуэ.
Алишернинг Гулисисан сен,
Сен Лутфийнинг сўлим ғазали.
Булбулисан Ҳофиз гулшанин,
Ва Хайёмнинг ширин асали.
Толеимда нозланиб турган,
Эй, сен менинг эрка гўзалим!