Хонанда Нилуфар Усмонова жуда-а болаларни яхши кўради-да. Суҳбатлардан бирида у фарзандлари кўп бўлишини исташи ҳақида гапириб ўтганди…
Айни дамда эса уни санъатимиздаги энг ёш оналар қаторига киритсак бўлади. Усмонова эндигина 25 ёшни қаршилаганига қарамай, икки ўғилни вояга етказиб келмоқда. Ҳозирда эса яна ҳомиладор!
Бироқ буни мухлисларидан сир тутаяпти, чоғи, бу хабарнинг оммага тарқалишини истамаяпти. Гарчи Нилуфар бу сирнинг ошкор бўлишини истамаётган бўлса-да, Дониёр Бектурдиев билан куйлаган дуэтига ишланган клипда унинг хомиладорлиги яққол сезилиб қолган. Буни хонанданинг кийган либоси ҳамда пошнасиз оёқ кийимидан ҳам илғаб олиш қийин эмас.
Маълумки, Нилуфар Усмонова бир неча йиллардан бери ўзининг яккахон концерт дастурини қўйиш учун тайёргарлик кўради. 2011 йилда иккинчи фарзандини дунёга келтирганлиги сабабли бу концерт жорий йилга қолдирилганди. Қизиқ, бу йил Усмонованинг мухлислари ундан яккахон концерт дастурини кутишсинми ёки… Хонанда эса ижоддан тўхтагани йўқ. Эшитишимизча, нақ бир йилга етадиган қўшиқ ва клипларни тайёрлаб қўйган.
Балки Нилуфар орада танаффус бўлишини истамаётгандир? Яна бир янгилик, яқин кунларда клипмейкер Нозим Жумаев томонидан унинг “Жани” номли қўшиғига суратга олинган клипи эфир юзини кўради.