Вертуал сайлов комиссиясига журналист Исмат Хушевдан ариза
Вертуал сайлов комиссиясига “Дунё ўзбеклари” Бош муҳаррири Исмат Хушев томонидан ариза
“Дунё ўзбеклари”нинг кўн сонли мухлис ва ўқувчиларидан тушаётган таклифларни ҳисобга олиб, узоқ мулоҳаза ва мушоҳададан сўнг вертуал сайловда ўз номзодимни қўйишга қарор қилдим.
Аслида мен Ўзбекистон Конституциясида ёзилган қонуний талаблар асосида мамлакатдаги Президентлик сайловида қатнашиб, халқимга астойдил хизмат қилишга тайёр эдим.
Лекин афсуски, ушбу баландпарвоз Қонун қоғозда бору, амалда йўқлиги бугун ҳеч кимга сир эмас.
Шунинг учун Вертуал сайловда бу имкониятдан фойдаланиш – мақсадимни бир қадар бўлса-да, намоён этади деб ўйлайман.
Вертуал сайлов комиссияси менинг ушбу мактубимни ариза сифатида қабул қилишини сўрайман.
Исмат Хушев,
“Дунё ўзбеклари” Бош муҳаррири.
Торонто шаҳри, Канада
10 февраль. 2015 йил
ВСК Матбуот Хизмати хабар қилади: Номзодларни рўйхатга олиш жарaёни тугади
Аввал хабар қилганимиздек, ВСКнинг 27.01.2015 й.даги №006-Q қарорига асосан, бугун, 10 февраль, душанба Париж вақти билан соат 22:00да Президентлик сайловига номзодларни рўйхатга олиш жараёни ўз ниҳоясига етди.
ВСКга ўз аризаси билан мурожаат қилганлар орасидан жами ўн икки нафар номзодлар ВСК томонидан рўйхатга олинди.
Қуйида номзодларнинг исм-шарифлари кирилл алифбоси тартибида тақдим этилади. (ВСК қарорига асосан, барча расмий ҳужжатларда номзодларнинг фамилияларига нисбатан алифбо қўлланилади).
Номзодлар рўйхати:
- Баратов Усмон
- Кетмонов Ҳотамжон (МСК)
- Мўминов Мирраҳмат
- Нормўмин Намоз
- Ортиқова Моҳира
- Рустамов Шуҳрат
- Саидов Акмал (МСК)
- Умаров Наримон (МСК)
- Усмонов Дилшод
- Усмонов Салахаддин
- Худойберди Ҳазратқул
- Чориев Баҳодир
Номзодлар тўғрисидаги барча маълумотлар билан ВСК веб-саҳифасида мунтазам танишишингиз мумкин.
Виртуал Сайлов Комиссияси
Матбуот Хизмати
10.02.2015 й.
М.Тожибоева: Исмат Хушев рўйхатга олинса — 80 фоиз овоз олиши мумкин эди…
[vsw id=»V8QccTeH5xk» source=»youtube» width=»425″ height=»344″ autoplay=»no»]ъ
ВСК Матбуот Хизмати хабар қилади: Исмат Хушев номзоди рўйхатга олинмади
10.02.2015 йилда Виртуал Сайлов Комиссиясига Канадада яшовчи ўзбекистонлик журналист Исмат Хушев номидан ўзининг номзодлигини Ўзбекистон Республикаси Президентлигига ўтказиладиган виртуал сайловда иштирок этиш учун топширилган аризаси келиб тушди.
Мазкур ариза ВСКнинг навбатдаги йиғилишида атрофлича муҳокама қилиниб, қуйидаги қарор қабул қилинди:
Маълумки, ВСКнинг фаолияти асосида демократик қадриятлар ва институтларни тан олиш, инсон ҳуқуқлари ва эркинликларини юксак қадрлаш, Ўзбекистон Республикаси Конституциясини ҳурмат қилиш талаби туради.
ВСКнинг тузилишини тақозо этган вазият замирида ҳам Ўзбекистонда шаклланган диктатура, инсон ҳуқуқларининг доимий поймол қилиш муаммоси ётади.
Жаноб Исмат Хушевнинг шахсиятига ҳурмат билдирган ҳолда, ВСК унинг кўп йиллардан буён олиб бораётган журналистик ҳамда сиёсий фаолиятини ўта зиддиятли деб баҳолайди.
Жумладан, жамоатчилик кўз ўнгида Ислом Каримов режимининг ташқи дунёдаги қатъий ҳимоячиси сифатидаги танилган Исмат Хушевнинг кўп йиллик эркин ва онгли фаолиятини, ВСК, демократик қадриятлар, инсон ҳуқуқлари ва Ўзбекистон Конституциясига нисбатан очиқ-ойдин ҳурматсизлик деб баҳолайди.
Кенг жамоатчилик фикри, ВСК аъзоларининг доимий ва эҳтирослардан ҳоли кузатишлари ҳамда ВСКнинг ҳуқуқий-сиёсий қадриятлари асосида, ВСКнинг 10.02.2015 й.даги № 028 (n)-Q қарорига асосан, Исмат Хушев номзодлиги Президентлик виртуал сайловига қабул қилишга номуносиб деб топилди.
Виртуал Сайлов Комиссияси
Матбуот Хизмати
11.02.2015 йил
Вертуал сайлов комиссияси раиси Мўътабар Тожибоевага
Вертуал сайловга ариза бердим,
Мухолифат ичра қучай деб зафар.
Ўзимни “отказ”лар ичида кўрдим,
Рўйхатга олмабсан мени, Мўътабар.
Орзу умидларим ушалар эди,
Шоҳ бўлиб сайланиб қолсайдим агар.
Йўлимга поёндоз тўшалар эди,
Сен вазир бўлардинг менга, Мўътабар.
Вертуал дунёда бўлса ҳам бир бор,
Тож киймоқчи эдим ғолиб, мазаффар.
Ширин ўйларимни этибсан инкор,
Тахтдан жудо қилдинг мени Мўътабар…
Майли, омон бўлгин, бўлгин саломат.
Дилимда заррача йўқ ранжу, кадар.
Барча номзодларга тилайман омад,
Сенга ҳам зафар ёр бўлсин, Мўътабар!
Вертуал сайлов комиссияси томонидан Ўзбекистон Президентлигига номзод сифатида рўйхатга олинган мухолифат фаоллари диққатига
Азиз Ватандошлар!
Гарчи менинг номзодим рўйхатга олинмаган бўлса-да, бундан қатьий назар, мен Сизларнинг ҳар бирингизга сайлов пойгасида омад тилайман.
Бугун ўзбек мухолифати хорижда ўтказаётган вертуал сайлов — эрта бир кун Ўзбекистонда ўтказилажак ҳақиқий ва демократик сайловга элтувчи кичик бир сўқмоқ бўлса ажаб эмас.
Сайловда ғолибликни қўлга киритган номзод — янги ва ҳақиқий ўзбек мухолифатига асос солиши мумкин.
Сизларга чин юракдан зафар ёр бўлишини тилаб қоламан.
Ҳурмат билан,
Исмат Хушев,
«Дунё ўзбеклари» бош муҳаррири.
13 февраль, 2015 йил,
Торонто шаҳри, Канада
«Тахтдан жудо қилдинг мени Мўътабар…», deb sherni uldiribsiz lekin.
Har kim ekkanini uradi, degan maqol bor. Bir paytlar siz xam Mutabarni ranjitgan edingiz. Mana, imkoniyati bulganda u ham sizni taxtdan judo qilibdi.
Nomzodlarning hammasi ham loyiq odamlar ekan. Men birinchi ovozni B.Chorievga, ikkinchisini N.Normuminga bergan bulardim.
Мўтабархон сиз Исмат Хушевни рўхатга олиш даражасига етишингиз учун ҳали кўп қовун пишиғи бор…
http://uzpolitic-comedy.blogspot.fr/2015/02/jurnaliste-projection-virtual-gulsum.html
Agar adashmayotgan bo’lsam bu «huquq himoyachisi» o’zi sizni vitual saylovda qatnashishga undagan edi shekilli. Ya’ni » agar Ismat Khushev bu virtual saylovda ishtirok etsa 80 foiz ovoz olishi mumkin edi» deb!? Maynavozchilik bu, boshqa gapga hojat yo’q.